Мисрлик ҳужумчи Муҳаммад Салоҳ келаси йили “Ливерпул”ни тарк этиши мумкин.
Шу муносабат билан мерсисайдликлар унга ўринбосар қидирмоқда. Todofichajes журналистларининг ёзишича, инглиз клуби қизиқишлари орасида Бразилия терма жамоаси ва Мадриднинг “Реал” клуби ҳужумчиси Родриго ҳам бор.
"Ливерпуль" Родриго мисрлик футболчининг ўрнини муносиб тарзда тўлдира олади, деб ҳисобламоқда.
Шу билан бирга, "қироллик клуби" раҳбари Флорентино Перес Родриго билан хайрлашишни режалаштирмаяпти.
Футболчининг ўзи ҳам "Лос Бланкос"да ўйнашни давом эттирмоқчи. Ла Лиганинг жорий мавсумида 23 ёшли форвард 9 та ўйин ўтказиб, 3 та гол урди.
