«Манчестер Юнайтед» хўжайинлари бош мураббий Эрик тен Хагнинг келажаги ҳақида ўйлашда давом этмоқда. Нидерландиялик мутахассис анчадан бери босим остида қолмоқда – «қизил иблислар» айни дамда АПЛ турнир жадвалида 14-ўринда бормоқда.
"The Independent" нашрининг ёзишича, INEOS спорт сектори бош директори Жан-Клод Блан Зинедин Зидан билан доимий алоқада. Блан, худди «Манчестер Юнайтед» хўжайини Жим Рэтклифф сингари, «Реал»нинг собиқ бош мураббийига анчадан бери мухлислик қилиб келади.
Олдинроқ Зиданнинг ўзи инглиз тилни билмагани учун Англияда ишлашни истамаслигини айтганди. Бироқ «Манчестер Юнайтед» мутахассисни ишонтиришга ҳаракат қилиши мумкин.
