Россия футбол иттифоқи академиясининг мураббийлар тайёрлаш бўлимига раҳбарлик қилаётган Сергей Овчинников Пеп Гвардиола ҳақида фикр билдирди.
Овчинниковнинг сўзларига кўра, “Манчестер Сити” устози мураббийлик курсларига дарс бериш учун таклиф қилинган.
"Биз Гвардиолани таклиф қилишни жуда хоҳлардик. Биз у билан боғланиб, бу ҳақда гаплашдик, бироқ маълум ҳолатлар туфайли ҳозир бунинг вақти эмаслигини, у бу таклифдан кейинроқ хурсанд бўлишини айтди.
У аллақачон рози бўлган. Эртами-кечми бу содир бўлади", - дея Овчинниковнинг сўзларини келтиради Спорт24.
