Forbes саҳифаларида 2024 йил учун дунёнинг энг кўп маош олувчи футболчилари рейтинги эълон қилинди.

Биринчи ўринни “Ан-Наср” ва Португалия терма жамоаси ҳужумчиси Криштиану Роналду эгаллади. Португалияликнинг йиллик даромади 285 миллион доллар (220 миллион футбол даромади, 65 миллион доллар эса футболдан ташқари даромад).

Иккинчи ўринда "Интер Майами" ҳужумчиси Лионель Месси жойлашган. Шу билан бирга, аргентиналик футболчи даромад бўйича Роналдудан анча ортда қолмоқда, Леонинг даромади 135 миллион долларни ташкил этади (шундан 60 миллиони футбол даромади); Кучли учликни 110 миллион доллар даромад билан Неймар якунлаб турибди.

Кучли ўнликка, шунингдек, Карим Бензема (104 миллион доллар), Килиан Мбаппе (90 миллион доллар), Эрлинг Холанд (60 миллион доллар), Винисиус Жуниор (55 миллион доллар), Муҳаммад Салоҳ (53 миллион доллар), Садио Мане (52 миллион доллар) ва Кевин Де Брюйне киради (39 миллион доллар).