Жозе Моуриньо "Фенербахче"ни бошқарганидан бери Райан Кент Чемпионлар лигаси саралашида "Лугано"га қарши ўйинда атиги 68 дақиқа ўйнади. Ўшандан бери 27 ёшли вингер ўз жамоасининг қайдномаларига киритилмаяпти.
Бироқ футболчи бошқа клуб топиш имкониятига эга бўлади. "Фенербахче"нинг баёнотида айтилишича, Райан Кент билан шартнома томонларнинг ўзаро келишуви билан бекор қилинган.
Эслатиб ўтамиз, англиялик футболчи турк грандига 2023 йилнинг ёзида келиб қўшилган ва ўтган мавсумда у 18 та ўйинда майдонга тушиб, 1 та гол ва 2 та голли узатмани амалга оширган.
