Томас Тухель Англия терма жамоасига бош мураббий этиб тайинлангач, "Манчестер Сити" бош мураббийи Пеп Гвардиола Англия терма жамоасини англиялик мураббий бошқариши керакми, деган саволга жавоб қайтарди.
"Биз қаерда туғилишни ҳал қилмаймиз. Онам ва дадам буни ҳал қилишди ва тўққиз ойдан кейин биз пайдо бўлдик. Мен каталониялик бўлишга қарор қилганим йўқ, сиз эса инглиз бўлишга қарор қилмадингиз. Федерация аъло обрўга эга хорижлик мураббийни танлади. Мен бу танловни қўллаб-қувватлаган бўлардим.
Мураббий ғалаба қозонса, мақтовга сазовор бўлади. Мураббий мағлуб бўлса, танқид қилинади. Унинг қайси миллатга мансублиги муҳим эмас. Биламан, ҳар биримиз ўз миллатимиз билан фахрланамиз, лекин дунё жуда катта жой ва биз очиқ фикрли бўлишимиз керак.
Мен Англияга ўқиш учун келдим. Баъзида кимдир ўзини бошқалардан яхшироқ деб ҳисоблайди. Бу бутун дунёда - Украинада, Россияда, Исроилда, Африканинг бир қисмида содир бўлмоқда. Кимдир бошқа жойда туғилгани учун танқид қилишни ёқтирмайман", - деди Гвардиола матбуот анжуманида.
