Рафаэль Варан «Комо» директорлар кенгаши аъзоси бўлди.
Аввалроқ, 31 ёшли франциялик футболчи Италия клубида битта ўйин ўтказиб, профессионал фаолиятини якунлаганди.
Фаолияти давомида ҳимоячи «Ланс», «Реал», «Манчестер Юнайтед» ва Франция терма жамоасида ўйнаган. У 4 марта Чемпионлар лигасида ғолиб чиқди ва 2018 йилда жаҳон чемпиони бўлди.
«Комо»да Варан ёш футболчиларни ривожлантириш, таълим ва инновацион маҳсулотлар бўйича маслаҳат беради.
Клуб етти турдан кейин саккиз очко жамғарган ҳолда А Серияда 14-ўринда бормоқда.