"Барса" Ассамблеяси ўтган мавсум учун молиявий ҳисоботни тасдиқлади.
Унда жами 91 миллион евро зарар кўрилган. 452 аъзо маъқуллаш учун, 156 аъзо қарши овоз берди.
Хабар қилинишича, президент Жоан Лапортага қарши чиққан "Барса" аъзолари тақдим этилган маълумотларга рози эмаслар.
Улар ассамблея иштирокчиларини ҳисоботни тасдиқламасликка чақиришди, чунки ҳақиқий йўқотиш бундан ҳам кўпроқ бўлиши мумкин.
Қайд этилишича, клуб балансидаги йўқотишларга “Barca Vision”нинг 49 фоиз акциялари харидорларидан қарздорлик сабаб бўлган.
Шундан сўнг, кейинги мавсум учун бюджет лойиҳаси овозга қўйилди. У 409 та овоз, 75 та қарши овоз билан маъқулланди.
