Австралиялик UFC жангчиси Роберт Уиттакер бўлажак рақиби, БАА вакили Хамзат Чимаев билан жанг ҳақида гапирди.
"Мен энг яхшиларнинг энг яхшиси билан курашдим, аммо фикримча, номаълум омил туфайли энг қийин синов бўлади.
Ҳозир мен ундан нима кутишни ҳам билмайман, лекин жуда кўп оғир жангларда ғалаба қозондим, кўп жангларда мағлуб бўлдим — синовдан ўтдим.
Олдимдаги вазифани жиддий қабул қиламан. Имкониятимни кутяпман. Мен вазифани бажариб, Хамзатни ютишим керак", деди Уиттакер.
Улар ўртасидаги жанг 26 октябрь куни Абу-Даби (БАА) шаҳрида бўлиб ўтади.
