"Реал" бош мураббийи Карло Анчелотти ярим ҳимоячи Лука Модричнинг ўйинига юқори баҳо берди.
39 ёшли хорватиялик футболчи "Сельта"га қарши ўйиннинг 63-дақиқасида майдонга тушиб, "Лос-Бланкос" тарихидаги энг кекса футболчига айланди. Орадан 3 дақиқа ўтиб ярим ҳимоячи мадридликларга ғалаба келтирган голга муаллифлик қилган Винисиус Жуниорга узатма берди.
"Модрич шунчаки ажойиб. Унинг майдонга тушиши ажойиб эди. Бугун у бизни қутқарди. Лука ҳар доим жамоага ёрдам беради - бошланғич таркибда ҳам, захирадан тушгандан кейин ҳам. У фантастик ўйинчи", - деди Анчелотти.
