Жорий ҳафта ўзбекистонлик конкурчилар учун қатор янгиликларга бой бўлди. Жумладан, Ўзбекистон терма жамоаси аъзоси Умиджон Камилов (“Кариссина” лақабли отда) Россияда ўтказилган “Максима Парк” кубогининг финал босқичида қатнашиб, 115 см баландликдаги тўсиқлардан сакраш дастурида олтин медални қўлга киритди.

Конкур фахрийси, халқаро тоифадаги спорт устаси Давржон Рўзмуҳаммедов (“Мр.Эмералд”) эса Белгияда ташкил этилган фахрийлар ўртасидаги халқаро турнирда учинчи ўринни эгаллади.

Шунингдек, 17-18-19-октябрь кунлари пойтахтимиздаги “Универсал Жампинг Агро” мажмуасида Ўзбекистон кубоги баҳслари ўтказилди.

Республикамизнинг энг номдор чавандозлари иштирокидаги баҳслар якунида ўз дастурида шоҳсупага кўтарилган спортчилар ташкилотчилар томонидан муносиб тақдирланишди.