"Бавария" бош мураббийи Венсан Компани мюнхенликлар ҳужумчиси Ҳарри Кейннинг "Штутгарт"га қарши ўйини ҳақида гапирди.
Ушбу ўйингача инглиз футболчиси учта учрашувда гол ура олмаганди.
"Тўғрисини айтсам, Харри ўтган ўйинларда гол урганми ёки йўқми, деб бир сония ҳам ўйлаганим йўқ.
Унинг қандай фазилатлари борлигини биламан. Кейн ҳеч қачон голларга тўймайди, ҳатто машғулотларда ҳам.
Баъзида Харрининг жамоа учун қанчалик меҳнат қилишини унутиб қўйишади.
У ҳар доим гол урган ва ҳамиша гол уради. Бу ўзгармайди", - деди Компани.