Миланнинг "Интер" клуби ва Аргентина терма жамоаси ҳужумчиси Лаутаро Мартинес яна "Олтин тўп" ҳақидаги саволга жавоб қайтарди.
"Мен ва Месси мукофот ҳақида гаплашмадик. Мен унинг терма жамоага қайтганидан хурсанд бўлдим. Мен ҳар доим жамоа манфаати учун астойдил ҳаракат қиламан, лекин индивидуал совринлар ҳам муҳим – улар ўз ишингни яхши бажараётганингдан далолат беради.
Асосийси, жамоа, ва агар мен индивидуал эътирофга сазовор бўлсам, бу ҳам жамоадошларим, ходимлар, мухлисларнинг хизматлари", — деди Мартинес DAZN нашрига берган интервьюсида.
