Испания чемпионатида ўнинчи тур ўйинлари бўлиб ўтмоқда, "Вильярреал" ўз майдонида "Хетафе" билан тўқнаш келди – 1:1. Испаниялик футбол фахрийси Дани Парехо учун бу ўйин юбилей бўлди. У Испания футболи олий лигасидаги бутун фаолиятидаги 500-ўйинини ўтказди.
Уларнинг кўп қисмини у "Валенсия" билан ўтказган - 282. Яна 149 та ўйин "Вильярреал", 64 таси "Хетафе" ва 5 таси "Реал" билан ўтказилган. Парехо Испания чемпионати тарихида шундай юқори даражага эришган ўн бешинчи футболчига айланди.
"Вильярреал" айни дамда турнир жадвалида тўртинчи ўринда бормоқда.
