"Манчестер Юнайтед" мураббийлар штаби аъзоси Даррен Флетчер АПЛ доирасида "Брентфорд"га (2:1) қарши ўйинда ҳакам билан тўқнаш келгани учун дисквалификация қилиниши мумкин.
"Манчестер Юнайтед" мураббийлар штаби биринчи бўлим охирида "Брентфорд" урган голдан жуда ғазабланди. Бош ҳакам Самуэль Барротт Меттейс Де Лигтни бошидаги қонни тўхтатиш учун шифокорлар олдига жўнатди ва "қизил иблислар" ҳимоячиси майдонда бўлмаганида, бурчак тўпини Итан Пиннок якунлади.
"МЮ" бош мураббийи Эрик Тен Хаг ва унинг ёрдамчиси Руд Ван Нистелрой ўзларининг норозиликларини билдириш учун сариқ карточка олдилар, Флетчер ҳам ўз норозилигини намойиш этди.
Танаффус ҳуштагидан сўнг Флетчер Барротт билан гаплашишни талаб қилиб, тўртинчи ҳакам Гэвин Уордга эргашди.
The Independent нашри хабарига кўра, Баррот душанба куни ўйиндан кейинги ҳисоботни тақдим этади, уни кўриб чиққандан сўнг, FA Флетчерга қарши айбловлар қўйиши мумкин.
