Тожикистоннинг "Истиқлол" клуби бош директори Шахзод Сулаймонов россиялик Игорь Черевченко жамоа бош мураббийи лавозимига қайтганини тасдиқлади.
Аввалроқ Черевченко "Истиқлол"ни 2023 йилнинг январидан 2024 йилнинг февралигача бошқарган.
"Игорь Черевченко яна жамоамизга бош мураббий бўлди ва биз унинг яна клубга қайтганидан хурсандмиз. Шартнома жорий мавсум охиригача тузилган. Жамоанинг натижаларидан келиб чиқиб, мутахассис билан шартномани узайтириш ёки узайтирмасликни ҳал қиламиз. Биз унинг қайтиб келганидан хурсандмиз", - деди Сулаймонов "Спорт24" билан суҳбатда.
15та ўйиндан сўнг "Истиқлол" иккинчи ўриндаги "Хужанд"дан 8 очко олдинда, Тожикистон чемпионати турнир жадвалида ишончли пешқадамлик қилмоқда.
