Испаниялик шифокор Эуфемиано Фуэнтес катта спорт мусобақаларига оид жанжалга сабаб бўладиган сирларни ошкор қилмоқчи, деб ёзади Британиянинг Guardian нашри.
Фуэнтес маълумотларни ОАВга сотишни мўлжалламоқда ва Чемпионлар лигасида иштирок этувчи испан клубларига тегишли мавзуда ҳам гапириб ўтмоқчи.
Таъкидлаш жоиз, кўплаб спортчилар билан ҳамкорлик қилувчи Фуэнтес апрель ойининг охирида спортчиларнинг соғлиқларига жидди зиён етказгани учун бир йил муддатга озодликдан маҳрум қилинган эди. Бу иш "Пуэрто операияси" деб аталиб, бир неча етакчи велопойгачилрга боғлиқ эди.
Фуэнтеснинг иши 2006 йилдаёқ бир велопойгачининг допинг ва бўй ўстирувчи гормон истеъмол қилганидан сўнг очилган эди.
