Луис Энрике "ПСЖ" Европанинг энг яхши жамоаларидан бири деган фикрга ўз муносабатини билдирди.
Бу ҳақда аввалроқ страсбургликлар бош мураббийи Лиам Россенёр айтиб ўтганди. Унинг жамоаси шанба куни Лига 1нинг 8-турида парижликларга имкониятни бой берди (2:4).
"Рақибларимиз биз ҳақимизда шундай гапиришларини билиш жуда ёқимли, бундай мақтовларни олиш ёқимли. Мақсадимиз барча совринлар учун курашиш, аммо биз Чемпионлар лигаси қийинлиги ҳақида ўйлашимиз керак, бу Европадаги энг катта турнир ва биз олдинга интиламиз.
Эртага биз ўз уйимизда ўйнаймиз ва ўз чемпионатида ақл бовар қилмайдиган натижалар билан устунлик қилаётган жуда юқори савияли рақибга қарши ижобий натижага эришмоқчимиз. Бу жуда қийин ўйин бўлади, балки "Страсбург" билан ўйинга бироз ўхшайди", - деди “ПСЖ” бош мураббийи.
