"Бавария" Жошуа Киммих билан янги шартнома борасида музокараларда давом этмоқда.
Ўнг қанот ҳимоясида ўйнай оладиган ярим ҳимоячи мавсум охирида тугайдиган амалдаги шартномасини узайтирмаса, эркин агентга айланади. Журналистлар Тоби Алтшеффл ва Кристиан Фалкнинг сўзларига кўра, "Бавария" Киммих билан маошни камайтириш бўйича келишиб олмоқчи, аммо бу осон бўлмайди – 28 ёшли футболчи Венсан Компани қўл остида асосий роль ўйнайди ва жамоа учун ўзини муҳим ҳис қилади. Томонлар ўртасида мулоқот давом этмоқда.
Айни дамда Жошуа Киммих йилига 15 миллион евро ва бонуслар сифатида 5 миллион маош олади.
