«Манчестер Юнайтед» «Наполи»нинг икки футболчисига эътибор қаратмоқда.

"Tuttomercato" хабарига кўра, инглиз клуби скаутлари «Наполи»нинг «Эмполи»га қарши ўйинида (1:0) вингер Хвича Кварацхелия ва ҳимоячи Алессандро Буонжорнони кузатишган. Грузиялик футболчи пенальтидан ғалаба тўпини киритди.

Буонжорно учун неаполликлар тахминан 70 миллион евро сўрашлари мумкин. Кварацхелиянинг потенциал қиймати номаълум - у ҳозирда итальян клуби билан шартномани узайтириш бўйича музокаралар олиб бормоқда ва йилига 8 миллион евро маош сўрамоқда. Ҳозир у мавсумда 1,8 миллион евро маош олади.

Агар янги шартнома имзоланса, Хвичанинг товон пули тахминан 100 миллион еврони ташкил қилиши кутилмоқда.