Мадриднинг "Реал" клуби ҳужумчиси Родриго кеча Чемпионлар лигаси доирасида Дортмунднинг "Боруссия"сига қарши ўйинда жароҳат олди. Бразилиялик футболчи иккинчи бўлим охирида алмаштирилди. "Қироллик" клуби бош мураббийи Карло Анчелотти ўз шогирдининг жароҳати ҳақида гапирди.
"Родригонинг мушаклари шикастланган. Учинчи гол бўлган вазиятда у жуда кескин ҳаракат қилди. Афсус, лекин бу футбол", - дейди италиялик мутахассис.
Родриго соғлиғи билан боғлиқ муаммолар туфайли келаётган дам олиш кунлари бўлиб ўтадиган "Барселона"га қарши ўйинни ўтказиб юбориши мумкин.
