«Манчестер Сити» ҳужумчиси Эрлинг Холанд ўзининг ўйини билан футбол жамоатчилигини ҳайратда қолдиришда давом этмоқда.
Чоршанба куни бўлиб ўтган Чехиянинг «Спарта» жамоасига қарши ўйинда норвегиялик дубль қайд этди. Учрашув 5:0 ҳисобида Хосеп Гвардиола шогирдларининг ғалабаси билан якунланди.
Холанд фаолияти давомида Чемпионлар лигасида урган голлари сони 44 тага етди. "Squawka" хабарига кўра, 24 ёшли форвард бу кўрсаткич бўйича «Челси»нинг собиқ футболчиси Дидье Дрогба билан тенглашган, ивуарлик 92 та, Эрлинг эса атиги 42 та ўйин ўтказган.
