"Челси" бош мураббийи Энцо Мареска Михаил Мудрикнинг ўйинига юқори баҳо берди.

Пайшанба куни 23 ёшли футболчи жорий мавсумдаги илк голини Конференциялар лигаси ўйинида (4:1) "Панатинаикос" дарвозасига урди.

"Мен у учун жуда хурсандман. Миша ва бошқа вингерлар жарима майдончасида тўғри позицияни эгаллашлари учун улар билан кўп индивидуал иш олиб борамиз. Айнан шу позициядан Мудрик гол урди. У муваффақиятга эриша бошлади. Бу Санчо, Мадуэке, Нето учун ҳам муҳим - барча вингерларимиз учун. Улар тўғри жойда бўлишлари керак, чунки тўп ўша ерда уларга боради.

Эҳтимол, Миша секинроқ ўрганадиганлардан бири, лекин у ривожланишда давом этмоқда. Ишончим комилки, вақт ўтиши билан у кўпроқ гол ура бошлайди ва биз учун муҳим футболчига айланади", - дея Мареска сўзларини келтиради Football.London.