Черногориянинг Будва шаҳрида ёшлар ўртасида ўтаётган жаҳон чемпионатининг иккинчи кунги баҳсларида 5 нафар вакилимиз рингга кўтарилган ҳолда ғалаба қозонди.
Жумладан, вазни -48 кг. бўлган Сайфиддин Собиров албаниялик Лиджон Сулажнинг иккинчи раундда жангдан бош тортгани сабабли ғалабани қўлга киритган бўлса, Жафарбек Шаҳбозов чемпионатдаги илк жангини полинезиялик Манатоу Гуиллеметга қарши олиб борди. 75 килограммгача вазн тоифасида ўтган ушбу жангда Жафарбек рақибини иккинчи раундда техник нокаутга учратди. Шунингдек, Собиржон Тастанов -54 кг. вазнда польшалик Оскар Гродзискига қарши баҳс олиб борди ва йирик 5:0 ҳисобида зафар қучди.
Мусобақанинг қизлар ўртасидаги беллашувларида Муслима Турғунова -52 кг. вазн тоифасида хитойлик Янгфен Ченга имкониятни бой бериб қўйди. Ойиша Тоирова эса -70 кг. вазнда россиялик Александра Флоровани 4:1 ҳисобида енгди.
Бугун, 25 октябрь куни қуйидаги боксчиларимиз рингга чиқади:
-51 кг: Абдулазиз Абдуназаров – Бовен Сонг (Хитой) Б ринг.
-57 кг: Акбар Аҳмадов – Элнур Абдулаеви (Грузия) А ринг.
-80 кг: Жавоҳир Меҳриддинов – Мадияр Бексултанов (Қозоғистон) А ринг.
-63,5 кг: Абдулазиз Жўрақулов – Огнен Антик (Сербия) Б ринг.
+92 кг: Шаҳзод Полвонов – Кристоф Закревски (Польша) Б ринг.
