Ёзда Мадриднинг “Реал” клуби ҳужумчи Килиан Мбаппени ўз сафига қўшиб олди. Мадрид клуби яқин келажакда яна бир юқори мақомга эга форвард билан шартнома имзолаши мумкин.
Sky Sports нашри хабар беришича, Эрлинг Холанд "қаймоқранглилар"нинг лойиҳасига қизиқмоқда. Норвегиялик супер-тўпурар ўз атрофидагиларга тез орада "Реал Мадрид" либосини кийиб кўриш истагини билдирган.
Манбанинг таъкидлашича, Эрлинг Холанднинг "Манчестер Сити" билан амалдаги шартномасида 150 миллион еврога сотиб олиш варианти мавжуд. Мадриднинг “Реал” клуби ушбу вариантни фаоллаштириб, норвегияликни сотиб олишга уриниши мумкин. Холанд “Манчестер Сити” сафида 110 та ўйин ўтказиб, 103 та гол урган.
