Мадриднинг “Реал” клуби бош мураббийи Карло Анчелотти жамоасининг “Барселона” билан Испания Примерасининг 11-тур учрашувига тайёрлиги ҳақида гапирди.
Ўйин Мадридда "Сантьяго Бернабеу" стадионида бўлиб ўтади. Учрашув бош ҳакамининг старт ҳуштаги Тошкент вақти билан 00:00да янграйди.
"Классиколар рақобатбардош ва шиддатли ўйинлар. Биз мухлисларимиз олдида яхши ўйин кўрсатишни истаймиз. "Барселона" жуда жасур, яхши футбол ўйнайдиган жамоа. Биз ўйинга яхши тайёргарлик кўришимиз ва иложи борича яхшироқ ўйнашга ҳаракат қилишимиз керак", - дея Анчелотти сўзларини келтиради Испаниянинг машҳур AS интернет нашри.
