"Ньюкасл Юнайтед" ҳужумчиси Александр Исак "магпилар" билан янги шартномага рози бўлишни режалаштирмаяпти, деб хабар беради Daily Mail.
Швециялик футболчининг клуб билан шартномаси 2028 йилгача мўлжалланган. Бироқ, манбага кўра, дастлабки музокаралар Исак ҳамкорликни узайтиришни истамаслигини кўрсатди.
Ўтган ёзда музокаралар тўхтаб қолганди ва ҳозирча янги шартнома бўйича ҳеч қандай муҳокама йўқ, чунки клуб ҳам, футболчи ҳам буни номақбул деб ҳисоблайди. Вазиятни 25 ёшли форвардга қизиқиш билдираётган "Арсенал" жамоаси кузатиб бормоқда.