Тошкентнинг “Бунёдкор” футбол клуби Осиё Чемпионлар лигаси 1/8 финали биринчи учрашувини ўтказиш учун Таиланд сафарига отланмоқда.
“Қалдирғочлар” делегацияси 12 май якшанба куни соат 12:00да Тошкентдан Қозоғистоннинг Олма-Ота шаҳрига парвоз қилишади. Миржалол Қосимов ўз шогирдлари билан қўшни юртда “Қайрат” футбол клубига тегишли “Олма-Ота марказий стадиони”да машғулот ўтказади. Шундан сўнг тунгги соат 01:00да Таиланд пойтахтига парвоз давом эттирилади. Таъкидлаш жоизки, Бангкок ва Бурирам шаҳарлари орасидаги масофа 410 км.ни ташкил этади.
Эслатиб ўтамиз, “Бурирам Юнайтед” – “Бунёдкор” учрашуви 14 май куни Тошкент вақти билан соат 16:00да бошланади.
