Жума кунги матбуот анжуманида "Реал" бош мураббийи Карло Анчелотти ҳужумчи Килиан Мбаппе ҳақида гапирди.

"Биз хурсандмиз, чунки Мбаппе гол уряпти. У жамоа учун муҳим. У Дортмунд дарвозасига гол ура олмади, лекин дастлабки икки голда иштирок этди. У аста-секин ўзининг энг юқори формасига эришмоқда. Шу билан бирга, ҳеч ким уни шошилтирмайди, биз унинг ҳиссасидан мамнунмиз.

Мбаппенинг биринчи "Эл Класикоси"? Бу унчалик муҳим эмас. У тажрибага эга, у аллақачон "Барселона" билан бир неча бор тўқнаш келган. У нима қилиш кераклигини билади. Эртага, ҳар доимгидек, у ўз вазифасини бажаради', - деди Анчелотти.