"Барселона" раҳбарлари ярим ҳимоячи Педрининг агенти билан учрашув ўтказишди. Томонлар футболчининг шартномаси билан боғлиқ вазиятни муҳокама қилишди. 21 ёшли Педрининг амалдаги меҳнат шартномаси 2026 йилнинг ўрталарига қадар тузилган ва шартномани узайтириш борасида ҳали келишув мавжуд эмас, деб ёзади Mundo Deportivo ўз саҳифаларида.
Умуман олганда, Педри "Барселона"нинг асосий жамоаси учун 156 та расмий ўйин ўтказган ва бу ўйинларда у 23 та гол урган ва жамоадошларига 15 та голли узатма берган. "Барселона" айни дамда Испания чемпионатида пешқадамлик қилмоқда. Шанба куни Ханс-Дитер Флик шогирдлари сафарда "Реал"га қарши майдонга тушади.
