26-октябрь, шанба куни футбол бўйича Испания чемпионатининг 11-тур учрашуви бўлиб ўтди ва унда “Реал” ва “Барселона” ўзаро баҳс олиб боришди.
Ўйин Мадриддаги "Сантьяго Бернабеу" стадионида бўлиб ўтди. “Барселона” йирик 4:0 ҳисобида ғалаба қозонди.
Учрашувдан сўнг Who Scored статистик портали ҳар икки жамоа футболчиларининг ўйинига баҳо берди.
Портал “Реал” дарвозабони Андрей Лунинга 5,7 балл берди. Бу ўйинда иштирок этган барча футболчиларнинг энг паст кўрсаткичидир.
Мезбонлар ярим ҳимоячиси Жуд Беллингем ҳам шунча очко олди.
Учрашувдаги энг юқори баллни Роберт Левандовски қўлга киритди. Who Scored польшалик ҳужумчига 9,2 балл берди. Бразилиялик вингер Рафинья 8,3 балл олди.
