"Лутон" Элия Адебайога қарши ирқчиликни қоралади.

"Бу ҳеч қачон тўхтайдими?

Биз Элия Адебайога қаратилган ирқчилик зўравонлигидан ғазабланамиз ва хафамиз. Ўн икки ой олдин у ижтимоий тармоқларда ирқчиликка учраган. Унинг аккаунтига аноним ирқчиларнинг қабиҳ ва жирканч хабарлар тўлқини тушди.

Бир йил ўтди ва ҳамма нарса яна содир бўлди. Чоршанба куни кечқурун Буюк Британиядан кимдир Instagram фойдаланувчиси сифатида Элияга ирқчиликка доир хабар юборди.

Элия бу ҳақда бизга айтганидан сўнг, биз полицияга хабар бердик. Ҳозирда тергов ҳаракатлари олиб борилмоқда.

Биз ҳаммамиз "Лутон"нинг бир аъзосимиз ва бу хабар жоҳилларга етиб боргунга қадар биз бу ташаббусларни қўллаб-қувватлаш ва ҳимоя қилишда давом этамиз.

Аммо савол қолмоқда: бизнинг футболчиларимиз, қаҳрамонларимиз, бизга ўхшаган одамлар, охир-оқибат, тери ранги туфайли қанча вақт давомида ҳужумга дучор бўлишади?

Ирқчиликка ўрин йўқ", — дейилади "Лутон" баёнотида.