Мадриднинг “Реал” клуби шанба куни ўз майдонида “Барселона”дан йирик 0:4 ҳисобида мағлуб бўлди. Relevo хабарига кўра, сўнгги ойларда Мадридликлар бош мураббийи Карло Анчелоттини қўллаб-қувватлаш даражаси пасайган.
Манбага кўра, "Лос-Бланкос" раҳбариятида Анчелоттидан норози бўлган нуфузли овозлар бор. Улар италияликнинг баъзи қарорларини, хусусан, ёш иқтидорларни, айниқса Арда Гюлерни ўйнатмаётганидан норози. Бу одамлар Анчелоттини ҳурмат қилишади ва унинг клуб тарихига қўшган ҳиссасини қадрлашади, лекин айни пайтда ўзгаришлар вақти келаётганига ишонишади.
Шу билан бирга, “Реал Мадрид”нинг кийим алмаштириш хонасида бироз кескинлик кузатилаётгани қайд этилган.
