Madridning “Real” klubi shanba kuni o‘z maydonida “Barselona”dan yirik 0:4 hisobida mag‘lub bo‘ldi. Relevo xabariga ko‘ra, so‘nggi oylarda Madridliklar bosh murabbiyi Karlo Anchelottini qo‘llab-quvvatlash darajasi pasaygan.
Manbaga ko‘ra, "Los-Blankos" rahbariyatida Anchelottidan norozi bo‘lgan nufuzli ovozlar bor. Ular italiyalikning ba’zi qarorlarini, xususan, yosh iqtidorlarni, ayniqsa Arda Gyulerni o‘ynatmayotganidan norozi. Bu odamlar Anchelottini hurmat qilishadi va uning klub tarixiga qo‘shgan hissasini qadrlashadi, lekin ayni paytda o‘zgarishlar vaqti kelayotganiga ishonishadi.
Shu bilan birga, “Real Madrid”ning kiyim almashtirish xonasida biroz keskinlik kuzatilayotgani qayd etilgan.
