"Ньюкасл" бош мураббийи Эдди Хаудан Сандро Тоналининг "Реал"га ўтиши мумкинлиги ҳақида сўрашди. Миш-мишларга кўра, Ла Лига гранди италиялик ярим ҳимоячини 2025 йилнинг ёзида сотиб олиш имкониятини кўриб чиқмоқда.
"Бу мен учун янгилик, лекин мен бу ҳақда ўйламайман. Мен Сандро дисквалификация қилинганидан кейин уни жамоага қўшишга ҳаракат қиляпман. У сўнгги бир неча ўйинларда жуда яхши кўринди ва мен унинг ўрнашиб олганидан жуда мамнунман. У ажойиб муносабатга эга. Умид қиламанки, унинг келажаги клубимиз билан боғлиқ", - дейди Хау.
Сандро Тоналининг "Ньюкасл" билан шартномаси 2028 йилгача мўлжалланган. Transfermarkt портали 24 ёшли футболчининг нархини 38 миллион еврога баҳолаган.
