Якшанба куни Муҳаммад Салоҳ "Арсенал" билан ўйинда (2:2) "Ливерпул"ни мағлубиятдан қутқариб қолди. Мисрлик футболчи 81-дақиқада гол уриб, жамоасига Англия чемпионати 9-тур учрашувида дуранг келтирди.

WhoScored маълумотларига кўра, "Арсенал" Салоҳнинг Премьер-лигадаги иккинчи энг кўп гол урган жамоасидир(11 та гол). Фақат "МЮ" дарвозасига ундан ҳам кўп гол йўллаган - 12 марта. "Вест Хэм" эса 10 та гол ўтказиб юборган.

Муҳаммад Салоҳ "Ливерпул"да 2017 йилнинг ёзидан бери ўйнаб келмоқда. Умуман олганда, Лондоннинг “Челси” клуби шарафини ҳам ҳимоя қилган форвард АПЛ доирасидаги 272 та ўйинда 163 та гол урган.