"Бавария" устози Венсан Компани "Бохум" устидан қозонилган йирик ғалабадан (5:0) кейин фикр билдирди.
Чоршанба куни мюнхенликлар "Барселона"га йирик ҳисобда мағлуб бўлишди (1:4), якшанба куни эса Бундеслига ўйинида "Бохум" дарвозасига жавобсиз бешта гол уришди.
"Биз ўйинга жиддий ёндашдик. "Бавария" сўнгги 3 йилда бу ерда икки марта мағлуб бўлди, шунинг учун рақибни паст баҳолаш ҳақида гап йўқ эди.
Биринчи бўлимда ажойиб имкониятни қўлдан бой бердик, аммо менга жамоамнинг хотиржамликни сақлаб қолгани ёқди.
"Бохум" барчасига тайёр эди, фаол равишда босим қилди ва якка жангларга кирди. Биз ўз вазифамизни бажардик, натижа ва мақсадлардан мамнунман. Худди шундай руҳда давом этишимиз керак", - дея Компанининг сўзларини келтиради Bayern & Germany.
