Мадриднинг “Атлетико” клуби бош мураббийи Диего Симеоне жамоасининг “Бетис” билан ўйиндаги (0:1) омадсизлиги ҳақида фикр билдирди.
Ўйиннинг тўртинчи дақиқасидаёқ майдон эгалари Хосе Хименеснинг автоголи эвазига ҳисобда олдинга чиқиб олишди. Қолган вақтларда "матрасчилар" рақиб дарвозасига аниқ зарба бера олишмади - жорий Ла Лигадаги илк мағлубият.
"Мен жамоани ўйинга яхши тайёрламадим. Режа ишламаётгани учун мен жавобгарман. Бизда аниқ иш, ўсиш учун жой бор.
Янги ўйинчилар ҳали бунга кўникиб қолишлари керак, мен эса уларнинг кучли томонларини яхшироқ ишлатишни ўрганишим керак", - деди Симеоне ўйиндан кейинги интервьюсида.
