Ўзбекистон Суперлигасининг 22-туридан ўрин олган ОКМК - "Нефтчи" ўйини бўлиб ўтди.
Ўйиннинг 14-дақиқасида фарғоналиклар футболчиси Анвар Ғофуров ҳисобни очди. Биринчи бўлим шу ҳисоб билан якунланди.
Иккинчи бўлимда ҳам меҳмонларнинг устунлиги давом этди. 81-дақиқага келиб, Нсунгуси Эффионг “Нефтчи”нинг иккинчи голини урди. Ўйин охирида эса Дилшодбек Аҳмадалиев ҳисобни қисқартиришга муваффақ бўлди.
Шу тариқа “Нефтчи” 2:1 ҳисобидаги ғалабани расмийлаштирди.
Фарғона жамоаси ушбу ғалабадан сўнг очколарини 33 тага етказди ва мусобақа жадвалида 5-ўринда бормоқда. ОКМК эса 39 очко билан 2-ўринни банд этган.
