"Манчестер Сити" ва Испания терма жамоаси ярим ҳимоячиси Родри бир ҳафта олдин "Олтин тўп"ни топшириш маросимда иштирок этиш учун Парижга учиб кетишга қарор қилганди. Бу ҳақда Relevo хабар бермоқда.
Манбага кўра, футболчида "Олтин тўп" соҳиби бўлишига далил йўқ. Бу ҳақда футболчига ҳеч ким хабар бермаган.
Аввалроқ ОАВда "Реал Мадрид" вакилларидан ҳеч бири Париждаги "Олтин тўп"ни топшириш маросимига келмаслиги ҳақида маълумотлар пайдо бўлганди. Тадбирни бойкот қилиш қарори "Лос-Бланкос"нинг бразилиялик вингери Винисиус Жуниорнинг мукофотни олмаслиги билан боғлиқ.
Эслатиб ўтамиз, бугун, 2024 йил 28 октябрь куни “Олтин тўп” ўтган футбол йили натижаларига кўра топширилади. Маросим Париждаги "Шарли" театрида бўлиб ўтади. Тадбир Тошкент вақти билан соат 23:00да бошланиши режалаштирилган.
