Спортдаги зўравонлик, ирқчилик, ксенофобия ва муросасизликка қарши кураш бўйича Давлат комиссияси доимий қўмитаси 2024 йил 29 сентябрь куни "Атлетико" – "Реал" учрашувида юз берган воқеа юзасидан қарор қабул қилди.

"Атлетико Мадрид"нинг беш нафар мухлиси барча спорт тадбирларидан четлаштирилади ва ҳар бири 6000 евро миқдорида жаримага тортилади. Яна 15 нафар мухлис тергов остида.

Бундай қарорга стадионда тартибнинг бузилиши, хусусан, майдонга буюмлар улоқтириш ва “Реал Мадрид” футболчиларига нисбатан ирқчиликка асосланган ҳақоратлар сабаб бўлган. Қўмита барча айбдорларни жавобгарликка тортиш мақсадида тўпланган материалларни ўрганишни давом эттираётганини таъкидлади.