"Ювентус"да ижара асосида ўйнаётган "Порту" ярим ҳимоячиси Франсишку Консейсау Турин клуби билан тўлиқ шартнома имзолаши мумкин.
Бу ҳақда италиялик инсайдер Николо Скира хабар бермоқда.
"Кекса синьора" португалиялик ярим ҳимоячи учун 30 миллион евро тўлашга тайёр. "Ювентус" футболчининг ўйинидан мамнун ва жамоа бош мураббийи Тьяго Моттанинг фикрича, Консейсау "Бьянконерлар" лойиҳаларида асосий ўйинчига айланиши мумкин.
Эслатиб ўтамиз, "Ювентус" ярим ҳимоячини бир мавсум учун 7 миллион евро эвазига ижарага олганди. Transfermarkt портали 21 ёшли футболчини 22 миллион еврога баҳоламоқда.
Жорий мавсумда Консейсау "Ювентус" сафида барча турнирлар доирасида 6 та ўйинда майдонга тушиб, 2 та гол ва 2 та голли узатмага муаллифлик қилди.
