"Ливерпул"нинг собиқ ҳимоячиси Жейми Каррагер яқинда "Арсенал" бош мураббийи Микель Артета аста-секин Жозе Моуриньога айланиб бораётганини айтди. Артета ўзи ҳақидаги бу фикрга муносабат билдирди.
"Мен ўзим ҳақимда гапиришни хоҳламайман. Мен Моуриньони 15 ёшимдан бери биламан. У менга мураббийлик қилган, у "Барселона" штабида эди. У ҳақиқатан ҳам ҳайратга тушадиган одам. Лекин мен ўзимни ҳеч ким билан солиштиришни ёқтирмайман. Мен футболчилар ва жамоа муваффақияти учун энг яхши нарсани қиламан" - деди Артета матбуот анжуманида.
Чоршанба куни "Арсенал" Англия лига кубоги 1/8 финалида "Престон Норт Энд"га қарши сафарда ўйнайди.
