Эҳтимол, "Манчестер Сити" тез орада Хосеп Гвардиолага ўринбосар излашига тўғри келади. “Шаҳарликлар”нинг амалдаги бош мураббийининг шартномаси мавсум охирида якунига етади.
Мутахассис клубда ишлашни давом эттирадими ёки йўқми, ҳозирча билмаслигини бир неча бор таъкидлаган. Журналист Майк Киганнинг сўзларига кўра, “Манчестер Сити” ўйини ўхшаш ёндашувдаги мураббийларни Гвардиоланинг ўрнига мураббий сифатида кўради.
"Байер"ни бошқараётган Хаби Алонсо мос вариантлардан бири саналади. Айнан шу сабабдан, аввал хабар қилинганидек, кўп миш-мишларга қарамай, "Манчестер Сити" Рубен Аморимни таклиф қилиш ҳақида ўйламаган.
