"Манчестер Юнайтед"нинг вақтинчалик мураббийи Руд ван Нистелрой жамоада қолиши даргумон. Клуб душанба куни Эрик тен Хагни ишдан бўшатилганини эълон қилди. Бош мураббий ўрнини вақтинча собиқ ёрдамчиси Ван Нистелрой эгаллади.
Тез орада маълум бўлдики, "қизил иблислар" аллақачон янги мураббий билан келишиб олишган. Журналист Жейсон Бертнинг фикрича, янги доимий мураббий тайинлангач, ван Нистелрой дарҳол клуб билан хайрлашади.
Нидерландиялик мураббий Аморим штабига қўшилмайди. Руд ван Нистелрой шу йилнинг июл ойида “Манчестер Юнайтед”га қайтган эди.
