Бугун Спорт вазири ўринбосари Мурад Исмаилов бошчилигидаги ишчи гуруҳ томонидан Бухоро олимпия ва паралимпия спорт турларига тайёрлаш марказида ўрганиш ишлари олиб борилди.

Ташриф давомида 2023-2024 йиллар давомида инвестиция дастури доирасида қуриб фойдаланишга топширилган бинолар, хусусан камондан отиш мажмуаси ва ошхона, ундан ташқари қайта капитал таъмирдан чиққан 100 ўринга мўлжалланган ётоқхона кўздан кечирилди.

Шунингдек, байдарка ва каноэда эшкак эшиш спорт турига мўлжалланган сув ҳавзаси биноси, "Дилкушо" сузиш ҳавзасининг шарт – шароитлари билан яқиндан танишилди.

Ташриф давомида, Ромитан тумани спорт турлари бўйича ихтисослаштирилган мактаб-интернати ва Пешку туман 2-сон спорт мактаби фаолияти билан яқиндан танишилиб, мавжуд камчиликларни бартараф этиш юзасидан масъулларга тегишли топшириқлар берилди.