Лаутаро Мартинес легионерлар орасида "Интер" тарихидаги энг яхши тўпурарга айланди.
Миланликларнинг 27 ёшли сардори А Сериянинг 10-турида "Эмполи"га (3:0) қарши ўйинда гол урди ва голли узатмани амалга оширди.
Бу гол Аргентина терма жамоаси ҳужумчиси учун "Интер" таркибида 134-гол бўлди. Лаутаро 1948 йилдан 1954 йилгача "нерадзуррилар" сафида тўп тепган венгриялик Иштван Ньершни ортда қолдириб, энг яхши хорижлик тўпурарга айланди.
Мартинес умумжамоа ҳисобида 6-энг яхши тўпурар ҳисобланади. Юқорида Бенито Лоренци (143 гол), Сандро Маццола (162), Роберто Бонинсеньа (173), Алессандро Альтобелли (209) ва Жузеппе Меацца (255) бор.
