"Арсенал" бош мураббийи Микель Артета вингер Этан Нванерининг ўйини ҳақида фикр билдирди. 17 ёшли футболчи Лига кубоги доирасидаги "Престон Норт Энд"га қарши ўйинда (3:0) майдонга тушди ва 33-дақиқада гол урди.
"Нванерининг ўйини? Кечаги машғулотларда ҳам худди шундай уддасидан чиқди, шунинг учун биз бунга кўникишни бошладик. У ажойиб истеъдод эгаси, унда тўғри муносабат, атрофида тўғри ўйинчилар ва соғлом муҳит мавжуд.
Келажакда ҳаммаси қандай бўлиши фақат унга боғлиқ, лекин ҳозир мен ундан жуда хурсандман. У майдон ташқарисида ҳамон бироз жим, аммо бу нормал ҳолат, чунки у эндигина 17 ёшда", деди Артета матбуот анжуманида.
