“Ал-Аҳли” ҳужумчиси Иван Тоуни Англия терма жамоасига қайтиши мумкинлиги ҳақида гапирди.
28 ёшли футболчи август ойи охирида "Брентфорд"ни тарк этди ва Саудия Арабистонига кўчиб ўтди.
Трансфер нархи 40 миллион евродан ошди.
"Саудия Арабистонига келишим терма жамоага кириш имкониятимни пасайтиради, деб ҳисоблайдиган одамларнинг фикрига таъсир қила олмайман.
Мен қила оладиган ягона нарса - ўзимга эътибор қаратиш ва яхши ўйнаш. Нима бўлишини ким билади. Насиб қилса термага қайтишга тайёрман.
Албатта, 2026 йилги жаҳон чемпионатида ўйнашни хоҳлайман. Саудия Арабистони қийин лига. Ҳар кимнинг ўз фикри бор, лекин ҳамма фикр ҳам тўғри эмас", - деди Тоуни.
