"Манчестер Сити" ярим ҳимоячиси Родри "Олтин тўп"га сазовор бўлганидан кейин "Реал" ҳимоячиси Даниэль Карвахаль биринчи бўлиб унга қўнғироқ қилганини айтди.
"Мен тақдирлаш маросимини тарк этганимда, менга биринчи қўнғироқ Дани Карвахалдан бўлди. У мени табриклади. Дани ҳам "Олтин тўп"ни олишга ҳақли эди. Биз жуда яқинмиз, айниқса, ҳозир иккаламизнинг хочсимон боғламларимизда жароҳат бор", - дейди Родри.
28 октябрь куни Парижда “Олтин тўп”ни топшириш маросими бўлиб ўтди. Овоз беришда “Реал Мадрид” футболчилари Винисиус Жуниор ва Жуд Беллингемни ортда қолдирган Родри мукофот соҳиби бўлди. Карвахал тўртинчи ўринни эгаллади. Маросимда бирорта ҳам “Реал Мадрид” вакили қатнашмади.
